والله حرام اللي تسوّيه في البنت
والله ما عندك ولا أيّ غِيْره
أنَا أعْرِفِكْ مَسْكَنْت حتى تمكَّنْت
ولا هي بالاولى لا ولا بالأخيره
طمَّنْتها حتى معاها تطمَّنْت
وامَّلْتها باحلامك اللى كثيره
واوهمتها أنّك تبيها وْحَزَّنْت
ومثَّلْت دورٍ فِعْلاً انّك تديره
وسرقت شِعْر وْقِلْت فيها وْتشيطنت
واهديتها الورد وْشذاه وْعبيره
حتى على كذبك أنا اشوفك أدْمَنْت
لكن حبال الكَذْب دايم قصيره
والله ما اقدر أوصفك انت ويش انت؟
إلاّ انْك انسانٍ توفَّى ضميره
ما يوم في نفسك سألت وتفطَّنْت
مِثْلِكْ بَعَدْ هذا العمل وِشْ مصيره؟
كم جَرْح؟ كم دمعه؟ وكم حب؟ كم خِنْت؟
كم ذنب؟ كم فرقى؟ وكم من أسيره؟
عاجِبْك وضعك يا أخي حِس لو كِنْت
جماد حِس بْهَا الأمور الخطيره
عندي سؤال وباخْتِصِرْ لك ولا هِنْت
ومن قبل لا ندخل علومٍ كثيره
ما هو حرام اللي تسوّيه في البنت
بالله ما عندك ولا أيّ غِيْره؟
موضوع: مــــــوتة ضمير 
السبت يونيو 13, 2015 6:36 pm
